Byrja að blogga eftir laaaaaaangan tíma, 22/03/2013 Veðrið í dag: Morgunn: A 12 ms Léttskýjað hiti 3 stig Miðdagur: A 10 Léttskýjað hiti 4 stit Kvöld: A 9 léttskýjað hiti 6 stig Ef þú vilt hafa samband: gunnijak@simnet.is Sælt veri fólkið!! Mér blöskraði síðast þegar ég bloggaði hvað langt væri síðan ég hefði bloggað síðast. Hvað mætti ég þá segja núna? Síðast voru það 3 ár, en núna eru þau orðin fjögur. Þetta þætti einhverjum lélegt. Það hefur ýmislegt drifið á mína daga síðan síðast. Ég er endalaust að bíta úr nálinni vegna gerða minna fyrir 20 árum. Á því er ekkert lát. Nú á ég heima á Stokkseyri og er búinn að vera í stöðugum hremmingum síðan ég flutti hingað fyrir fjórum árum frá Danmörku. Ég hef verið borinn ýmsum ásökunum sem ég er saklaus af, á að hafa verið að ofsækja krakka hér á Stokkseyri. Ég hef ekki borið hönd fyrir höfuð mér, en er búinn að skrifa langa greinargerð um mína hlið á málum. Ég ætla að setja hana hérna á bloggið þegar ég hef lokið þessum pistli. Svo langar mig til að Blogga eins og flestir aðrir eru farnir að gera, veit samt ekki hvort ég get það vegna síþreytu og framkvæmdaleysis, sem ég vil meina að sé sjúkt ástand en ekki leti og ómennska eins og sumir/margir halda fram.   ¶ 22:38